Gefohr för Liev und Leven !

Moin leeve Lüüd. Nu is de Harvst dor !
Dat Loof wesselt de Farv und fallt schon hier und dor vun de Bööm. ´n anner untrüglichet Teeken is dat Grötterwarn vun de illegalen Schiethupens in unse scheune Urlaubslandschaft. An´n Schwaten Wech hebt de Unverbesserlichen all wedder toschlagen. Und an annere Stellen bestimmt ok schon… Oogen op und Anschieten, dat is dat einzige wat hölpt!!!
Nu wer jo jüst de „offizielle“ Inweihung vun unse niee Radwech bit no de B4 und dor weern wi vundaags ok mol mit de Kinner ünnerwegens.
Wi wern oft to´n Baden fohrt, mal in Ebstorf, mal in Bodendiek, ok mol an Hardausee, aber de meisten Besöke wer´n denn doch in Stonsen. Und een Mol hebt wi dat mit´n Drahtesel wagt… Bit to de B4 is dat allerbest, dat is mol´n feine Sak, de se dor buut hebt.
Aber denn geiht dat los – dat is man schad, dat man nur ünner Lebensgefohr de Kreisel queren und denn mit een mulmiget Geföhl de Straat, de dörch´t Holt föhrt, fohren kann, wenn man op Rad ünnerwegens is. Veele Lüd mit ehre Knatterkisten ballert dörch de Kurven, as wenn se bi´n Rennen mitmokt, dorbi kann man op de Waldstreck bit to´n Kreisel (oder vun´n Kreisel no Stonsen) so manche Strecke gorni öberblicken…
Dat is noch mol´n groote Opgav för de Politikers, sik dor wat fikelinschet uttodenken.
De Querung is ,glöv ik, dat grötste Problem. Wi wer dat denn mit eene „Wildquerungsbrücke“´n poor Meter wieder, de man för Radfohrer und Lüüd op Schusters Rappen frigeben wör!? – Dor kunn man doch mit punkten, oder nich!?
Und dor givt dat doch bestimmt denn een oder annern EU-Pott för, de man melken kann.
Wenn dat nich klappt, kann uns bestimmt een Landbaron ut een Gemeinde nahbi hölpen, de weet ja wie dat geiht mit de Genehmigung vun grote Bauvörhaben ohne  Rat und Volk to froogen…

So , dat weer´t erstmol wedder –
jii weeten jo – let jüm ni argern!!!
Bit to´n nächsten Mol!

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.