Leeve Lüüd,

een heele Tied heff ik mien Muul hooln, ik heff mi een eegen Sommerlock mookt, kann keen woll seggen! Aver nu is doch wedder een Bült Mess tohoopkamen un in düsse Mess stickt een roode Faahn mit een witte Halfmaand un een Stern bin. Lüüd, ik bün sowat vun verfeert över düsse appeldwatsche Kerl dor an Bospurus, dat is doch würkli to leeg. Wat bilt sik düsse ole Keerl eentli in!? Givt dat keeneen, de em Inhold beeten kann!? Dor lett he vun siene Lüüd een „Putsch“ mit dree Panzers un twee Fleegers mooken, wieldat he een Grund to´n utmessen bruukt und de Welt kiekt to… Aver wat süllt se ok mooken, wo se doch meent, dat se de Osman bruukt, üm sik de Lüüd ut Syrien u.a. vun Liev to hooln. Dor schuuvt se düsse Autokrat de Milliarden in de Mors un meent, he ward dat al richten. Mookt he ja ok woll, sünst wöörn wi ja wieter Lüüd op de Flucht bi uns opbören, doch de Inrichten ward na un na dicht mookt. Doch he röppt jümmer luuter Richt Europa – dat mutt so un so ween, dat döfft de Düütschen nich un anner Schiet. He verbeed sik de Inmischen vun de Ungläubigen in sien Doon. Doch he meent, he kann all de butensiets Lüüd, de he nich sülm wegsparren of tominst ut Amt jaagen kann, vörseggen, wat se mooken sulln of as se sik to verhooln hebbt. Leeg! Anners kann ik dat ni utdrücken. Dat is leeg! Meent jii nich ok!? Un denn mööt wi tokieken, wo sik sien Deenstvolk ünner de Paraplu vun us Demokratie för em versammelt und bölken doot! Wat wöör woll passeern, wenn us Merkelsche een Oproop mooken wöör, dat all de Christen un frieheitleevende Lüüd, de in dat Osmanriek sünd, sik tohoopfinn sulln, wieldat se för Demokratie und friee Glooben demonstreern süllt!? – Dat wöör woll een Blootbad geeven, tominst wöör de groote Mann sien Schergen utschicken, üm düsse „Verbreekers“ fast to setten. Wat achterno för de Lüüd kümmt, bruuk ik jüm nich to seggen. Sodenni givt dat düsse Oproop nich! Un de Muselmann hett wedder een lütte Sieg tegen de Christenwelt infoohrt. Ward Tied för Opstaahn!

Niels