An de 16. vun Harvstmaand (Septembermaand) fangt düt Johr de 69. Bämser Dagfahrt an. Een Bült Plattsnackers dreept sik dor in dat niege Kurhus in Bämsen un parleert op Platt. Dat givt Vördreeg, Musik, Theater,“Op de Kist“ un an Avend vun de erste Dag, dat is Fridag, dor givt dat wedder een plattdüütsch „Poetry Slam“, een Dichterwettstriet.

Wo een Wettstriet is, dor mütt ok Lüüd ween, de tolustert un mit Hannklappen afstimmen doot, wokeen de „Betere“ is. Un Niels Tümmler as „Lokalmatador“ bruukt  juune  Stütt, dormit he de „Pott“ holen kann!

Koomt tohoop in dat Kurhus in Bämsen, Fridag, de 16.September, Klock acht an Avend geiht dat los!

Dat heel Programm givt dat op  https://bevensen-tagung.de/tagung-2016/  natolesen.