Nich bit op denn letzten Sitt, avers good besöcht weer de plattdüütsch Gottsdeenst mit Paster iR Kopsinggraven ut Uelzen.

So üm un bi süsstig bit söbentig Lüüd weern in de Marienkark vun Eimk tohoop koomen, üm Gotts Wort op Platt to höörn. Ünnerstützt vun Posaunenchor und de Orgel wöörn wunnerbore plattdüütsche Leeder sungen. De Epistel und dat Evangelium to düssen Sünndag Laetare hett Niels Tümmler leest und ok de Afkünn wöör vun em leest vördregen. Düsse in twee Spraken – erst op Platt und denn op Düütsch, dormit nix ünnergeiht. Denn mennig Lüüd verstooht Platt, sünd sik mennigmol avers doch nich heel sicker. Und so weer düsse Oart – twee Spraken to nehmen, woll een goode Middelweg.

Paster Kopsinggraven hett een heel goode Predigt holn und de  Musik, und grod de plattdüütschen Karkenleeder hebbt eern Andeel to een moije Gottsdeenst bistüert.

De Gemeen weer tofreeden, de Paster weer tofreeden und de Küster und de Epistelleser ok. So weer de Indruck, de bleev. Und de Klingelbüddel hett dat ok meent. Weest bedankt dorför, leeve Lüüd!

Dank wees denn Herrn, Dank wees Jesus Christus.