Leve lüüd,

in Bämsen givt dat eyn kulturvereen, dee nöömt sik Vakuum e.V. – doar givt dat elke månd eyn program mit musik un ander såken. Van disse månd an is ouk plattdütsk doarbi – elke veerte dünnersdag givt dat „Plattdütsch am Donnerstag“ (de titel künnt wy joa nocheens öäverdenken, denk ik ;-)).

De begin måkt de plattsnakker sülm. An 28.10.21, klok acht an avend givt dat plattdütske vertellen un gedichten, also eyn lesen! Intrit kost dat ni, de hoot ward rümgån.

Gaven vöär de vereen ward ouk jümmers geern nåmen, beter noch is dat, wän noch eyn pår liddmaten doartokamen wöörn. 😉

Kyk doch mål rin!