Op jümmer wedder anregen vun de platsnakker, dee as bekannt ouk in de rat vun de gemeen sitten deyt, het de nyge gemeenwarker sik de Holthuser Weg vöärnåmen. Op eyn lüt end weer wol dörch de jümmer grötteren maskins ü.a. vun de loonbedreven de weg deep utvoart und so wurrn de lökker nu mit mineralmisken vüllt und verdicht. In de verleden jårn sünd op de eyn kant de lütten bööm opwussen und eyn good end vun de plasterweg is ünder eyn laag erd verswunden – op de ander syt is so de „sommerweg“ mit de tyd breeter måkt worden. Düsse strypen is vun de warker rünnersneen worden und so sünd nu al eyn pår voartüüg doar langvoart und hebbt de ole strek bedeent. Nu mut dat sachs nocheyns avskoven warden, den is de Holthuser Weg wedder „de ole“. Eyn dank an de gemeenwarker, de dat fiks torechte kreagen het!