sind een bidrag vöär de skuds van de natuur. Hebbt jy dat wusst!? Sik doar mål klår öäver warden, wat dat eegens bedüten deyt, so een buwark daaltoryten un de eerdböden lyk to måken!?
Wen de swam doar in sitten deyt, allens ut holt heel un deel verrot is ov de modernen vandalen doar in west sünd, den, joa den mag dat angån, dat so eyn hus weg mut. Aver wo keen noot is un de is ni doarmit to begründen, dat avryten un nej buun ni so düer is as dat erholden van olde buwarken, doar mut sik ouk de politik oprichten un styv in krüüz warden!
Dat givt in meyst elk gemeen hüüs, dee dat wert sind, dat doar een euro mer investeert ward un jüstso is dat mit de olde skole in Seborg. Dat is een tüügnis van olde bukunst. Sik vöär dat erholden intosetten is een gode un wichtige saak. In Seborg is dat skynts mit nug fortune tostand kåmen. Ovskoons dat joa meyst skeev gån is, bi de börgerstimmen tegen dat avryten jüstso as bi dat ansinnen van , nöömt wy em/se „X“, de opdrag vöär dat tweymåken an een avend to´n weakenend…
Nu is dat also good gån. Dat hus blivt stån, dee architekt Wilhelm Matthies kan sik weader ümdrein un syn ewigen slåp wyterslåpen, hee mut ni op ewige tyd döärch Seborg sweven un huulen, wat de lüüd doch doov sind.
Un, nu trüg to de belasten van de natuur. Dat kan ik ni in taalen vaaten, ovskoons dat wis to bereknen weer.
Doch mut een grundsads gelten un dee kümt hyr as zitat nu op gealsk:
„Hat ein Gebäude ausgedient, muss es nicht automatisch abgerissen und neugebaut werden. Theoretisch können Gebäude ewig bestehen, wie viele historische Objekte beweisen. Es kommt nur auf die „richtige Pflege“ an. Selbst wenn ein Haus über Jahre vernachlässigt wurde, kann es durch eine Revitalisierung noch gerettet werden.“ (born: https://imbstudent.donau-uni.ac.at/lessemissions2/gebaeudecheck-co2-fussabdruck-immobilien/“, 29.05.2022, 17:47)
Op disse oart ward veal Co2 inspårt. De masse van dat buwark blivt un mut so ni mit groote opwand un even veel Co2 nej buut warden. Un – hand op hart – so een old hus het doch veel mer skarm as so een nejbu. Doar sünd de meysten plaaners op de verdwarste pad. Ov dat givt „containers“, een verbreken an elk estetik. Myn meenen. Is klår.
Ik wünsk ju vöär de tokumst veel plaiseer mit dat neje olde skolhus in Seborg!
Niels
