Leve lüüd,

jy hebbt dat sachs mitkreagen – in Lümborg harrn se een börgervotum avholden und de tallen, dee se bruken, seet vöär de vlegervereen good ut! – De politik mut sik nu an de beslut holden und dat ward weader een kuntrakt geven. Den künnt se 15 jår wytermåken und vöär de lüüd ut Barnsen kan´t nu suutje und relaxed wean as dat vöär de heale panik üm dat oplösen vun de Lümborger luchthaven wear. Tomindst wat dat tema angeyt. Dän blyven noch de vragen öäver de olde skyt, den se doar vöär meyst dertig jåren ünder de nye landebån kippt hebbt. Proben sünd joa wol trokken worden ov süllt noch trokken warden! Dän in dat dagblad stünd in december vun´t verleaden jår to leasen, dat de Landkreis Uelzen togeaven het, dat doar swormetal in een proov ut 2018 vunden worden is und nu noch eenmål keaken warden sal… in de erste halv vun 2020, dee nu bald vöärby is (AZ 23.12.2019). Wat doarby rutsuert? Ik bün heal lüsken doarop. Müt se de heale skotter und skyt weader utbaggern? Ov is dat so as de doctor vun LK seggt het – doar is wat, aver dat drinkwater is best! Wüllt wy hoapen, dat dat so blivt! Dän man proost!

Borns:

To´n leasen und öäver nåsinneren: https://www.az-online.de/uelzen/suderburg/schadstoffen-spur-flugplatz-barnsen-wird-erneut-untersucht-13364508.html

Dat bild is ut google maps an 15.06.2020 låd worden.