An End vun Maimaand wöör de Saat op en Striepen vun de Wisch bi dat Füerwehrhus in Gerdau vun de Ratsherren Hahnemann, Meyer und Tümmler utbröcht. De Sommer weer bannig dröög un dat seeg meist so ut, as wenn dor ni veel vun warrn sull. Doch de Füerwehrlüüd vun Gerdau hebbt nuch Water opgeven un so weer dat doch en heel blied Bekieken vun de Blomen, de dorut woorn sünd. Un en Bült Insekten, verschillen Bodderlickers  un ok de Plüschmors, Sweevfleegen, Immen un annerswat weern faken to Besöök un hefft middenmang in Dörp en wunnerbor Fudderborn hat.

Noch is´t jümmers an blöhn, kiek di dat mol an!