En Weekenend mit Platt… de Bämser Dagfahrt is to´n 71. Mol to Gast in Bämsen. Al an Vörmiddag vun de 14.09. geiht dat in de Scholen los – Ünnerricht op Platt in de Grundschool vun Himbergen und bi de KGS givt ok wat för de ölleren Schölers. De offizielle Deel geiht denn Klock veer an Namiddag los. De Apen vun de Veranstalten ward vun de Vörsittersche makt un se kiekt trüch op söventig Johr „Bevensen Tagfahrt“. An Avend givt denn „Besinnen und Smüstern“ mit Anke Gohsmann un Wolfgang Kniep för 10,-€ (8,-€ mit de Bevensen-Card). Klock acht geiht los.
An Sünnavend givt Klock halvig dree „Op de Kist“ – elkeen kann sien sülmschreven Texten un Gedichten vördregen – in veer Minuten. Un an Avend givt dat denn Theater – Fröstück bi Kellermanns , speelt vun de Stormarner Speeldeel e.V. ut Ahrensburg (S-H). Kust 12,-€ (10,-€) för en goode Ünnerhalten. Dat kiek jüm man ruhig an!
Un denn is ok al wedder Sünndag – traditschonell is Klock halvig tein de Gottsdeenst op Platt in de Dree-Königs-Kark vun Bämsen. Klock ölben geiht denn wieter in dat Kurhus – de Priesverleihn vun de Johannes-Saß-Pries för en wetenschaplich Wark – ünnermolt un inrahmt vun dat Duo Noordlücht ut Lümborg (Reppenstä).
Denn man tau – af na Bämsen vun 14. – 16. in´n Harvstmaand!