Wunderbår dagvårt (1)

Bämsen (nt) Nu is se al wedder vöärby, de 72. Bämser Dagvårt. Dre dåg geyt dat vun morgens an los. De frydag ward traditjoonel inläut mit eyn verantalten in de grundschool vun Himbargen. Ouk in düt jår weer nocheyns Heidrun Schlieker by de lütten ut de 3. und 4. klassen. Dütmål weern dat üm und by 30 skölerskes und sköler. Vru Schlieker har eyn mammut doarby und se vertel eyn beten wat vun dat, wat em so in de mööt keem. Doarachter steyt eyn nyet kinderbook, dat se illustreert het. Ouk de Översetten in dat Platdütske het wat mit de Bämser Dagvårt to dån – Ingrid Straumer, de öäver jåren in de vöärstand und toletzt ouk de vöärsitterske vun de „Bevensen Tagung e.V. “ weer, het de geeldütske vöärlaag ümset. De skolmeysterske und de görn weern heel andån und högen sik al op tokamen jår. Doch keen dat den måken sal is noch ny klår, Heidrun Schlieker wul al in düsset jår ny und is „definitiv“ eyn ledst mål doarby ween…
Ouk an vöärmiddag gev dat in de twölvte klas vun de KGS wat öäver Platdütsk to weten. Carl-Heinz „Calle“ Dierks, eyn pensjoneerte skolmeyster ut Ostfreesland (ouk eyn vöärstandsliddmaat vöär veele jårn). In de dütskkurs vertel he wat öäver leven und warken vun Klaus Groth und ouk Fritz Reuter, twe vun de „grooten“ nåms in de platdütske werld. Blangenby hebbt de jungen lüüd so noch wat öäver de nåmgever vun de gesamtskol in Bämsen mitkreagen. Ouk düsse såk is heel good ankåmen und tokamen jår ward by de den 73. Dagvårt wedder eyn doppelstün geven.
Klok halvig veer an nåmiddag weer den de officielle åpen vun de 72. Bämser Dagvårt. De Vörsitterske marianne Ehlers und de tweete vöärsitter Niels Tümmler hebbt de besökers welkåmen heten und klok veer wur den „Ritter Trenk op Platt“ keken. Eyn wunderbår film, de mit veel gedüür und stuur dån vun eyn bült lüüd in de platdütske versioon ümset woorn is und dee an sündag den ouk de Lüttjepütt-Prys 2019 vun de Neddersassiske Sparkassenstivten kregen sul. De lüüd harrn eer plaiseer und de film is allerbest ankåmen. Nå eyn verpuust güng dat den klol acht an avend wyter. Teksten und gedichten vun Klaus Groth hebbt Marianne Ehlers und Volker Holm vöärdragen, stüt harrn se vun Christoph Scheffler, dee de gitar speelt het und vertonte teksten sungen het. Ouk dat eyn allerbeste veranstalten.
Vortsetten volgt…

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.