Wo de Schultheiß Schulz heet



PlattsnackerABMoin leeve Lüüd,

ik nochmol – bi de Europawohl geev dat jo bi uns noch een Anhängsel – de Wohl to de Samtgemeinde- Börgermeister und in Uelzen to denn Börgermeister. Bi uns in de Samtgemeinde bruukt sik nümbs ümgewöhnen – de ole heet Schulz und de niege ok. Wo scheun eenfach dat doch ween kann! Ik hoff mol, dat de tachundtachentig Perzent „Ja-Stimmen„ een Vertruensvörschuss sünd und nich nur de Gewöhnung…

De niee Herr Schulz hett jo bannig de Trummel röhrt in de letzten Weeken. Dor kann man sik nur wünschen, dat he düssen Elan bihölt und nich inknickt, wenn he denn in Amt und Würden is.

Allens Goode för dat niege Amt, Herr Schulz! Und Allens Goode för denn Ruhestand, Herr Schulz!

Und in Uelzen hebbt se jo nu denn Markwardt de meisten Stimmen geben – und he hett mit tweedrittel Stimmen een grooten Vörsprung. Und dat is man good so, denn sunst wöör wohl noch een anner Kolleg in Böön stampft worrn – de harr vun siene Partei denn Beschluß „keene Utsagg för keen Kandidaten!„ mitkreegen und harr sik denn eenfach mit düssen Markwardt aflichten looten – und dat ok noch mit een fründlichet Lächeln op sien Schnutenbook sett! – Stell di nur mol vör, wat dor los wesen wöör, wenn de mit de Schmoltlock neger an denn jetzigen Gewinner rankoomen weer. Ördentlich wölltert hett dat wohl all… stell ik mi vör!

Mien hartligen Glückwunsch to de Wohl ohne dat Tohelpen vun een Volksvertreter, de dor ok keen Opdragg to harr!

Plattdütsche Grööte vun [wb_fb_f name="" id=""]

Niels

 

 

 

 

 

 

 

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: