Vun de groote Politik 3/15



Leeve Lüüd,

dat op und dall mit denn Griechen is ja rein dull. De Varoufakis hett een Barg klooge Sooken seggt. Man dat reckt nich, wenn de Knebel vun de EU so fast sitten deit. Dat een wat man will, dat anner wat man mutt. So geiht se dat nich beeter, as anner Minschen. Se hebbt dat Vertruuen vun eer Vulk kreegen und doch koomt se woll nich rut ut de Nummer. Se mütten de Dolers tosomenraken, op Düvel koom rut. In´t Dagblatt sünd se al op een lütten Deel vun eene Siet afsett woorn. Liekop mit de Mietpriesbrems in Düütschland. Nebensook mit Middelfinger. Schäuble hett se doch wedder de Duumenschruven ansett und nu is dat nich mehr dat Papier und de Tint wert, wat noch to berichten givt. Dat de Lüüd in dat Land to een grooten Deel  kuum noch Inkoomen hebbt und nich weeten, wat se an tokamen Dag freeten süllt – wat geiht em dat an!? Hauptsook de Tohlen sünd stimmig.  Avers bi us in´t groote Düütschland , dat wedder dat Seggen hett, dor ward se de Teeken nich wohraftig – noch künnt se mit denn Export schwatte Tohlen schrieven!? Und? Woveele Milliarden steiht Düütschland nochmol in de Kreid!? Und wo heet nochmol dat EU-Land, dat an luutsten schreegen hett, avers denn ganz vöörn dorbi weer, as se de dree-Perzent-Regel nich inhoolen kunnen!? Wokeen hett denn ersten „blagen Breef„ ut Brüssel kreegen!? – Richti. Avers jümmers dat Muul wiet oprieten, denn marken de annern nix vun de eegen Süük. De Oppermann (SPD!) hett seggt:„.(…)Wenn ein Staat Schulden macht, übernimmt er auch Verantwortung, nämlich die Verpflichtung, diese Schulden wieder zurückzuzahlen.„ Lüüd, us riek Staat kann nichmol de Tinsen trüchtohlen, de Johr üm Johr op denn grooten Huupen tokoomt. Und denn een anner Staat so gängeln? Professer Sinn hett jo seggt – Griechenland rut ut´n Euro und een Schuldenschnitt, denn wöört ok wedder vörangoohn. „Avers us Geld?„schriegt Schäuble denn. För Düütschland 81 Milliarden. Dat is nich mol dat duppelte vun de Schulden, de Düütschland 1987 harr (43 Milliarden €). Hüüt, keen dörtig Joohrn later, sünd wi bi meist 2,2 Billionen € Staatsschulden (http://www.staatsschuldenuhr.de)! Und denn de Griechen Vörschriften mooken!? Keen hett denn sien Opgaven nich mookt,leeve Finanzminister!? Dien swatte Null is ok nur Blendwark!

Niels

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: