Vun de groote Politik 11/15

Leeve Lüüd,

de groote Politik weer ok in Uelzen! Unse Minister för dat Grööne vun de Gröönen weer anreist, üm de Lüüd wat vun goodet Eeten to vertellen. Rutsuuert is denn aver deelwies een Meckerie vun een poor Buern, de woll blots dorvör anreist weern. Nich bereit orer in de Laag, vernünfti to snacken, hebbt se rümbölkt und de Indruck, dat se open för Argumente weern, weer nich to seehn. Dat weer keen goode Optritt för de Buernstand. De Minister dortegen hett sik good dorstellt. Sicker, no Politikeroart veel vertelln und af und an ook mol nix dormit seggen weer dorbi, aver ünner Strich hett he kloor dorstellt, wat he anschuuvt hett un worüm he dat mookt. Vun dat ewige Subventioneeren will he man sachs ook nich weg. Aver dat Ümverdeelen is nich de Lösen. Mutt he noch an arbeiten. Op anner Siet kann he jo dat verdwarste EU-Regelwaark woll nich even mol uthebeln. Nich scheun…aver mutt keen woll erstmol so hinneehm. Un dat he in de Laag is dortotolehrn, hett he an Sluss noch geven: Een Buer (de hett sik vernünfti utdrücken kunnt, sünd ja nich all heel blöd), hett över de Wulf vertellt und dat dat keen Utgliek geven wöör för Rindviechers, de „extensiv“ hoolen ward. Dor will he sik för insetten und hett all wat in Arbeit, hett de Meyer seggt. Dat weer doch een fien Slusswort, heff ik dacht. Man in dat Dagblatt stünn dat annerdags allens´n beeten anners schreeven. Aver viellicht müss de Schriever dat ja de Meenen vun de Leit anglieken, he mutt ja ook op sien Arbeitsplatz oppassen… orer he hett goode Verbinn to de Landwirtschaftkammer und hett dorüm so anners schreeven, as dat dor weer. Und dor weer ik nich alleen mit miene Indrück. Wat hangen bleev weer bi de mersten blots dat Krakeeln vun de Buern. So mookt man keen Warven för sien Beroopsstand, finn ik!

So, nu heff ik för düt Johr „fertig“!

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.