Vun de groote Politik 06/14



Moin leeve Lüüd,

de Juni steiht ganz in´t Teeken vun de Footballspeele in Brasilien. Avers sogor dor blivt de Politik nich butenvör – dor speelen Mannschaften ut Nationen, in de Dood und Verderben jedeen Dagg op denn Plan steiht. In Iran und Nigeria to´n Bispill warrn Bomben schmeeten und de Lüüd warrn dorhinmetztelt vun Truppen, de denn „echten„ Glooben dörchsetten wüllt – de Minschen dootmooken, wiel se meenen  dat Football een Speel för Ungläubige is und de mütten utrott warrn. Direktemang nebenbi – in Irak – sünd se ok all togang – de ISIS – so nöömen sik de verdwarsten Slachters, de denn islamischen Glooben in Verrop bringt – hebbt all ganze Regionen innohmen und nu hett sik wedder de Weltpolizei ut Amiland inschalt´, de ersten dreehunnert Suldoten sünd all dor und dat is wohl nur noch een Froog vun Dagen bit de ersten GI´s dootschooten warrn. Und denn ward dat sikker ok  noch de bit hüüt noch aflehnte „Luftünnerstützung„ geben, egol, ob se de irakischen Staatsführung för unfähig holen oder nich. Dat sall wohl keen Hindernis ween… und Saddam und Bin Laden sitten in Schurkenheben und högen sik een. Avers ok bi uns sorgt de Ami för Unruhe – erst dat Gedaddel üm dat Frihandelsafkommen mit Gensaat und Chlorhöhner, nu hebbt se wedder dat groote Beschieten mit de Atomwaffen vör. Siet Joohren salln de Dinger ut de Eifel all wegrümt sien, avers schwatt-geel und nu schwatt-rot hebbt dat erfolgreich verschleppt und de schwatte Angie sitt dat ganze fein ut und lett sogor Löögen verbreeten – vunwegen dat se nix dorvun weeten, dat de Lüüd ut Obamaland de Bomben hierlooten und noch moderner mooken – mehr Wumms und nu ok noch to´n Fernstüern no dat Afschmieten! Tweehundert vun düsse Schietdingers sall dat in Europa geven!  So wüllt se denn Küllen Krieg wohl wedder hitter mooken – dat Säbelrasseln mit denn Russen is wedder vull in Gang! De sünd doch all nich ganz richti in Kopp, oder!?  Avers mi mookt dat Angst! Und wat mookt de grootartige Europäische Union? Se bastelt wedder rüm – de Blödmusikers strieten sik, wer denn nu dat seggen hem sall- Uns Mutti will denn Junker dörchsetten, de SPD mookt dat nich mit und de Brit sowieso nich – de stellt sik wedder mol op de Achterbeen und jammert und huult und droht wedder mol mit Uttritt! Bruuken wi denn Inselbewohner denn so dringend!?  -  Nu hebbt se sik denn doch noch wat utbaldowert – de Schulz (all wedder een!?) sall sien olen Posten beholen! Hebbt se dull hinkreegen! Wat kusten düsse Spooßmookers de Stüertohler noch!? Ach, is ja egol- wi hebbt dat jo und looten uns dorvun nich argern, oder!? „Feste Jungs, macht nur weiter so, ihr bekommt schon alles kaputt…„, hett mol een Herr Long sungen. Und he hett wohl recht hat…

Bit to´n nächsten Mol -

een nodenklicher Niels

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: