Vun de groote Politik 05/16



Leeve Lüüd,

dat weer ja man böös knapp, wat de Naabarn in Süden sik dor leist hebbt. Dor hebbt se richti Sott hat, dat se nich in eer Protest tegen dat grootkupperte „volksparteiisch„ Establishment meist een scharp rechte Keerl to eer Vörsitter mookt hebbt. De 10% Breefwählers hebbt dat Stüer op de letzte Kant nocheens rümreten. Heel knapp hebbt se nu een Präsident vun de grööne Afdeel wählt. Sott is viellicht noch to minn, för so een waghalsig Ünnernehm`. Viellicht weer´t ok eenfach dat Glück, dat mit de Dummen is!? Doch is´t bi us heel anners!? Ok in dat Michelland sünd se ut de Löckers kroopen un sünd in männig Rebeeten örntlich an „Lüüd„ mobil mooken. Us vullfreeten Sellschapp lett jümmer mehr Lüüd ut dat „System„ fallen. Dor wöörn Jobcenters un Inrichten schafft, de dorför sorgen doot, dat een heele Deel schön ünnen blivt. De Tahlen ward trech rekent – wi sünd nah  bi de „Vullbeschäftigung„ seggt se, wat doch allens mookt ward un wo moij dat doch is. Se kümmert sik üm de, de nich mithooln künnt- seggt se ok. Wüssen jii, dat een Foffteinjährigen (mag ok een Deern ween! Gender!), de blots een Stünn de Week een Job nahgeiht, as „arbeitender Bürger„ in de Statistik infleeten deit? So wüllt se dat Volk wiesmooken, dat se allens in Griff hebbt. De Wohrheit is, dat se ut Studien un de Geschicht weeten, dat  rechte Strööm jümmers denn na boben koomt, wenn dat gemeen Volk „in Massen„ keen Arbeit hett. Nu hebbt se dat Problem, dat dat veel mehr Lüüd in de „niedern Kasten„ givt, as de Tahlen us dat wiesmooken sulln un dorto kümmt een Barg niege Lüüd ut de Kriegsrebeeten, de för de Rechten as Fiendbild liekers to rechte Tied kamen sünd. Se – un ok een Barg Medien un sogar Politikers, vun de keen dinken deit, dat de sowat seggen wöörn- schürt orntli de Futterneid. Un nu schuuvt dat eenfach Volk de Mors vun Kanapee doch wahrafti in de Wahlkabin! De „Politikverdrossenheit„ is liekers noch dor! De Sofamichels markt nich, dat se een Warktüg vun de Hetzers un Minschenfienden sünd! Un de „ole Gaard„weet nich wieter un smiet sik een bregenklööterigen Autokraten an de Bost! Armet Düütschland!

Niels

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: