Vun de groote Politik 05/15



Flinten-Uschi is an rümmauscheln. So is dat woll to verstohn, wenn keen dat lesen deit, wat dor mit de G36-Sturmflint afgeiht. Dat doch all nich so leeg, as dat dorstellt ward, as de Deern vör de Mikros stoohn hett und vertellte, dat de Tokunft vun düt Gewehr in eern Amtsberiek keen mehr sien ward. Lüüd, de nich weeten wovun se snacken givt dat jo een Barg und Uschi is een dorvun. Se harr dor beeter an doon, de Sook een beten wieter to bekieken, bevör se rutposaunt, wo grulich düsse Wap is. Dusend Suldoten sünd eer sowat vun dankbor för eern Bärendeenst, denn se de Trupp dormit andoon hett. Avers se mutt jo nich in Graven liggen und scheeten. Se steiht jo leever in Avendrot för een Fleeger und kiekt as een Indianerbaas in de Fern. Dat kann se doch good, dat mutt man eer looten. Mindst wat…Avers op denn Thron vun Mutti kümmt se so nich. Keen weet dat schon, wat dor weer utklamüsert ward!? Viellicht ward jo ok allens heel anners und de tokünftige Kanzler kümmt ut de Reegen vun de wedderbeleevten geelen „Flagg-in-Wind- Dreiher„-Vereen. Nu, wo se doch no Hamborg ok in Bremen wedder mitspeelen döffen. De niege Prinz hett woll de Parol utgeeven, dat noch nich allens wunnen is, avers de Michel mutt nu wedder mit de Liberalen reeken. Mutt de sik nu bedroht föhlen!?  De Vörsitter hett vun siene Büttels ok glieks een Friefohrtschien kreegen, bi eere Tosomenkunft in Berlin. He kann mooken wat he will, hebbt se toseggt, de Hauptsook is, dat he de Partei in denn Bundesdag trüchbringt. De Bilden hebbt se boben op de Agenda sett und dat dat Haschen friegeeven ward. Togliek seggt he avers an, dat de Gröönen wegmütten. Avers worüm nur, Herr Lindner!? Jii  kuppert dat Gröönenprogramm af und wüllt se ersetten!? Denn bliev man leever dor, wo du mit diene Scheetbudenfiguren noch büst – in de Versenken! De Gröönen speelt al jümmer dösiger und mit de geelen Apparatschiks ward dat doch blots noch leeger. Nee, go mi af. Sett di leever mit Cem op´n scheune Tüüt in de Eck und klamüser ut, wo jii tosomen wat op de Been stellen künnt. Weg mit Mutti! Michel wookenrütteln!

 

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: