Vullet Hus bi Plattdüütsch Geschichten in’t Sommerbad



BegröötenAn verleden Dingsdag, dat weer de negente vun Augustmaand, weer de Koffiterrass in’t Sommerbad Stonsen rappelfull mit Lüüd.

De ISO Stadensen e.V. har Niels Tümmler inlaad plattdüütsche Geschichten to vertellen. Dat weer, so wieste dat „fulle Hus ünner frie Heben„ woll een bannig goode Infall. Meist achtig Besöökers hebbt se tellt und de harrn no een Inleit mit Koffi un Koken eer Plaiseer. Över een kommodige Stünn vertellte un leeste Niels plattdüütsche Geschichten und Gedichten ut siene Fedder. Veele Beleevnisse ut sien Kinnertied an´n Kiel-Konol (Nord-Ostsee-Kanal) geev he to´n Besten, aver ok dat een of anner ernsthaftig harr he to vertelln. So geevt wat to höörn över Füerbööten an Konol, woneem de Schosteen in de Koninkenbu ni tochen wull oder wat för een groote Problem he mit sien erste Fang mit de Pietsch, de Angel,  har. Ok simmeleer he över dat, wat an een düütschen Stammdisch över de Flüchtlüüd vertellt ward und wo dat op de anner Siet woll de Lüüd in Krieg und Verdarven goohn mag. De Lüüd föhlten mit Niels un de Bifall lett ni op sik tööven. Desterwegen geevt ok de Fraag vun de ISO-Lüüd, of denn tokamen Johr wedder een Lesen ansett warrn kunn. Ik glööv, dat kann!

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: