Soborg is opwooken…



PlattsnackerABMoin leeve Lüüd,

nu is dat also so wiet. Ik heff mi all froogt, ob de Lüüd an de „Bestandsstreck„ vun de Bahn sik as schwiegendet Opferlamm mit denn Utbu affinnen, wenn de annern all eere Jagdreviere sikkert hebbt. Nu sünd se also doch noch opwooken und de Sturm vun Wedderstand kümmt nu ut alle Richtungen. De Heide-Michel -tomindst een Deel – kruupt ut sien Lethargiesessel. Dat find ik erstmol good. Avers an End tellt nich, weer an luutesten schriegen kann. An End liggt dat letzte Wort bi´n Bund , also de groote Politik. De ganzen Opsichtsräte is dat doch, wenn se ehrlich sind (also nich op Wählerfang, denn in de Hauptsook sulln se ja Politikers sien), egol. För de is de ganze Gegend hier nur een grootet Niemandsland, wo man allerbest de Trassen buun kann, dat ward sik schon finnen. Viellicht is dat ja ok nur een Versuchsballon ween – wenn keener wat seggt, ward buut und wenn se toveel Larm mooken, ward doch de Ost- und Westtrass utbuut, as eentlich vör veele Johre plant. Und wenn dat all doch nich so is, denn künnt wi jo noch unsen Hamster ut´n Hut holen- bi uns is dat de schwatte Aabar und de  hölt uns denn bestimmt de Bahn vun Liev. Wokeen weet dat schon!?

Ik war dat all wieter beluern!

Bit denn -

 

Niels

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: