Soken givt, de givt dat gorni



Moin  leeve Lüüd,

normalerwies verleert man jo keen Wort doröber, wenn sik een „Hochdütschen„ inmischen will, wenn dat üm´t Plattdütsche geiht. Aber düsse Geschicht is so mal, dat ik se all´n poor Weeken mit mi rümschlepp und  no denn Artikel in de AZ över dat Plattdütsche mit de ni ganz gelungene „gemischte Överschrift„, de vundaags afdruckt wesen wer, hev ik to mi seggt: „Nu mut ik dat doch mol opschrieben!„ – Nu, hier is de lütte Passage: Dor keem vör´n poor Weeken een verwirrte Breef in mine Richtung. De wohl´n bet´n breegenklütterige Verfasser, de de Schrift no schon´n beten öller is, har mächtig Probleme mit de Rechtschriebung op Hochdütsch, aber he het mi anmuult, dat ik  doch gefälligst in „Heidjer-Platt„ schrieben sall…, he schreev ok, dat he sülvst de  plattdütsche Sprook gorni  kann (Anm: De hochdütsche ok ni so wirklich).  Nu denn, leeve Lüüd, wat sall mi dat seggen? Ik denk, jii verstoht ok so, wat ik meen, ok wenn mine Bookstaben ut eene annere Gegend wechkoomt. Bit op düsset malle Gesabbel vun denn „Hochdütschen„ keemen bit vundaags  nur fründliche Anspraken in mine Richtung. Aber, Lüüd, wenn jüm wat nich gefallt, so schrievt dat doch op und schickt dat an de Redaktion vun düsse feine ZEITUNG- Ok gern op düsse Sied as een Kommentar! De, de dat lieden möögt, künnt natürlich ok schrieben…aber bitte op Platt!

So, und nu mutt ik mi doch noch mol in dat „Gerdauer Komödienspeel„ inmischen: Lüüd – Wat geiht denn in june leeren Köppe vör? Dat kann doch ni angaahn, dat jüm „sehenden Auges„ düsse Farce anzettelt!!! Sünd jii wirklich so klütterig in Kopp oder is dat de Nedersassen-Sturheit? Viellicht ok nur eenfach dat Geiern op de Penunzen, weil man för sik oder een Verwandten een Vördeel bewirken kann ?- Sik för Befangen erklären ünnerstrikt ja nur den Charakter vun dit malle Speel, wat jii drieben doot! Und de armen Dierten sünd jüm egal- und de Lüüd, de dat vör eere Husdören utholen mütten? Wat sünd jii doch armselig – Jii salt sik wat schämen. Aber , dor bün ik sikker, jii ward ok noch junen Richter finnen.  De, de dat menschliche Denken noch „intus„ hebbt, de „Ratsminderheit„, mach ik wohl seggen: „Mokt wieder so und let jüm ni ünnerkreegen! Jii mokt dat richtig!„ Und de Börgers, de dor in Gerdau und de dortogehörenden Dörpen wohnt will ik seggen:„ Opwoken, leeve Lüüd! Noch is dat nich to laat. Stoht op und wiest düsse ingebildete „Herrschaft„!in de Schranken! Wenn de Dierten-Kz´s erstmol buut sünd, künnt jii nix mehr moken!

Gestank, Kadaver und noch mehr Diertentransporte.Wüllt jii dat wirklich!?„

Ik hoff, dat düsse Zeilen denn eenen oder annern to Räson bringen ward.

Und düsse Lüüd  und de, de eern Breegen al lang inschalt hebbt und nich „wirtschafthörig„ allns schlucken, wat se as „dat beste för uns„ serviert kreegen wünsch ik dat Beste- bit to´n nächsten mol!

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: