Sicker. Nich.



      So, leve Lüüd,

nu liggt dat in june Hann´, wat dor bi de tokamen Wahl för Düütschland  bi rutsuert. Sachs suert ok nix  rut un de Langewiel mit de Merkelsche geiht wieter.

Is ja nich aftostrien, dat se in de Europasicht hier un dor en goden Deenst maakt hett, man egens is se doch blots en Utsittersche, de erst ut de Puschen kümmt, wenn dat nich mehr to ännern is. Denn, dat mutt sik de Michel doch klor maaken, sünner Fukushima harrn wi en Wieterdaan in de grote Mess mit de Atommeilers. De Anerkennen vun de Ehe vun de Lieklevers hett se ja ok aflehnt, ofschonst se de Afstimm friegeven hett. Dat keem mi meist vör, as so en „grote Geste„ vun en Kaiser Nero of en anner, de mit en so en Daan de Lüüd to´n Swiegen bringen deit. In düsse Fall hett de Baberste mit ehr Afnicken sachs veele Lüüd op ehr Siet bröcht, de sünst ninich för se weern. De sünd ehr fien op´n Liem gahn, denn se wüss woll al, dat de Superbregens ut de düster Kuntrei in  Süden opjaulen wörrn un ok noch de Gerichten bemöhen ward. Aver so bräsig is de Michel sachs doch ni. Un de Richterslüüd ok nich, de sünd in se ehr baberste Kammer heel good binanner. Un dat ward ok Tiet, dat se in Rohstand geiht, denn nocheens veer Johr höllt de Republik nich dörch, denn  is se as dat duntomalen ok bi Birne , de Blackout-Kanzler, vörmaakt wöör, an Enn. Un in us Staat sülm hett se nix bröcht. De Ansätze vun so wat as Sozialpolitik för dat Volk, dat keem vun des rote Socken ehr Ministerschen un Ministers. In de Ümweltpolitik is se grandios op´n Rüch fallt – Verspreeken nich inlöst – Daalsetten- süss. De heele Tiet de Autolobby eien un de dunkeldüütschen Nullen blots bregenklöterigen Kram vertappen laten. Ok ne süss. BITTE NICH SITTEN BLIEVEN! FÖR DÜÜTSCHLAND! FÖR DE BILLEN; FÖR DE ÜMWELT! FÖR DE DEERTEN! FÖR DE MINSCHEN! GAH NA HUS… un nimm dien Gefolg glieks mit, dormit se keen Dummtüch mehr maken künnt.

So as de swatte Kandidat ut us Rebeet, de meent, dat he mit Parolen as se de rechtsbuten Vereen nich beter utkotzt, da Volk op sien Siet bringen deit. He meen bi en verdwarste Veranstalten, dat de Regeern vun Neddersassen „Rassisten„ ween wöörn- Öko-Rassisten! Hett he se noch all !? De kann ik nich ernst nehmen. Un ok blots in Ansatz normaldenkerte Lüüd mütt doch schüttkoppen un denn ehr Krüz an anner Stääd maken. Aver sachs hett he düsse „Klientel„ ja mit sien sabbern un triefen Spröök ok in de Arms vun de annern , de „Alternativen„ dreven. Dori nochmol, dat kann doch allens nich angahn! Michel (dat is de Gendermichel, versteiht sik!) maak de Klüsen op, knips Dien Bregen an un maak keen Mess!

Un dat Allerbest is ehr Inladen to en Veranstalten west… en Oktoberfest wöör ankünnt ünner de Titel „Norddüütsch„ -  Sicker nich! Dat weer nix! Ok setten – süss! Kannst keen Blomenpott mit winnen, mit düsse Lüüd!

Un wenn dat doch wedder so kümmt, denn ward de Welt en beten gauer ünnergahn. Ok de düütsche. Glöv´t  of glöv´t nich.

 

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: