Öber twee Joohr…

…bün ik nu all de Plattsnacker in düsse Soborger Monatsgazett. Anfungen hett dat mit een Text öber de (ok miene) Jugendtied in de Süsstiger und Söbentiger vun´t letzt Johrhunnert. Eentlich op Hochdütsch schreeben, heff ik denn mol öbersett und Andreas toschickt. He hett Gefullen doran funnen(afdruckt in de Utgaav 03/2012) und mi denn froogt, of ik nich Lust heff, denn Plattsnacker jedeen Maand to mooken. Und ik heff, wo jii all siet achuntwintig Utgaben lesen künnt, „Ja“ seggt. Danke, Andreas!

Niels Tümmler 2012
so sieht er aus – der Plattschnacker…

Twüschendörch geev dat ok mol een, twee  „Beschwerden“, wiel mi wölk vörschrieben wullen, wat denn nu in´t Plattdüütsche hört und wat dor nix to sööken hem sull. De hebbt dor een gräsigen Opriss vun mookt. Avers de Tieten vun de Zensur sünd man good vörbi, magg de een oder anner se ok notrueern. Dor stünn Andreas achter mi! Ok Danke dorför!

Intwüschen sünd dat twee Texte, männigmol sogor dree, de op Plattdüütsch notolesen sünd und de Lüüd gefallt dat. Dorför an düsse Stell een Dank an de plattdütsche Leserschaft!

Ik wünsch de ganze Mannschaft vun de Zeitung noch veele, veele Utgaben mit de dortogehörigen Lüüd, de de Werbung schalten – denn nur so haut dat siet twintig Joohrn hin!

Veel Spoß wieterhin
Niels

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

This site uses Akismet to reduce spam. Learn how your comment data is processed.