Minn Lüüd!? – Minn Bregen!

PlattsnackerABAs ik dat güstern in Radio höört heff, dach ik, dat kann nich ween.  Dor warrn Veranstalten to´n Begrööten vun Flüchtlingslüüd afseggt, wieldat dor minn Personal togegen is!? Leeg nuch, dat överhaupt Wachlüüd opstellt warrn müssen, üm de Börgers för  de breegenklütterige Afdeeln vun Düütschland to woohrn. Aver döff dat ween? Is dat nich een wichtig Sook? -Schienbor nich…
Elk Wuchenend warrn ut dat heele Land Polizisten tosomenkarrt, üm de grooten Footballspeele aftosickern, dormit de Chaoten nich toveel tweimooken (mooken se liekers) und dat kust Millionen Dalers. Avers för een so wichtige Saak hebbt se nix to bestelln? De mööten se even in Hamborch un München und wo nich allens Lüüd aftrecken, orer een Bundesliga-Speel verleggen. Aver dor bammelt jo veel to veel Göld an. Geschäft geiht vör! Wat sall denn so een olle Veranstalten!? Und denn blots för een beeten Willkamen för Butenlanners. Kann forts mol afseggt warrn. Dat is Düütschland! De möhsam opbuute „Willkamenskultur“ ward vun de Politik mit Fööt pett! Orer hett dat System!? Mi ward elkeen Dag swiemelig, wenn ik so een Schiet höörn un lesen mutt! Dat ist oftens to´n spien mit ju Volksvertreters! Orer hebbt blots de lütten Emken ut de Verwalten de Schuld doran? Ik glööv nich…

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.