Lesen bi de LandArt in Lintzel



Op denn Schubenz-Hoff in Lintzel geev dat an verleden Sünndag een Lesen op Platt mit Niels Tümmler. Dütmol harr he nich blots egen Texten dorbi. Ok Riemels vun Hermann Claudius und Johann Hinrich Fehrs sowie een Geschicht vun Arne Waldemar Lentföhr ut Kiel. To´n Inleiten gev dat een ol Gedicht över de Heimat in Noorden, to de dat Plattdüütsche eenfach tohöört. Dat weer al ut de twintiger Joohrn vun verleden Johrhunnert, schreeven vun Ferdinand Zacchi. Vun Natur und Heid vertell Niels de Lüüd, de sik in denn urig- kommodigen Goarn infunn harrn. Und he wüss se to ünnerhooln. Ernsthaftig, politisch und ok truurig weer dorbi und de een orer anner Geschicht güng denn nich so ut as de Toschauer dat vermoot harrn. So as dat in dat „richtige„ Leeven even mennigmol is. Dat weer deelwies sworen Stoff und op de Froog, of de Lüüd noch een poor Belevnisse vun Konol höörn wulln, keem een inhillig „ja„ – so geev dat to´n  Afsluss ok noch een poor Vertellens över Niels sien Jugendtied. Een Toschauer hett sik noch eenmol sülm mit Hannslag bi denn Autor bedankt för de „goode Ünnerholen„ und bi een Glas Wien orer een Buddel Beer funn de Avend bi düsse LandArt-Veranstalten an de blage Padd een kommodigen Utklang.

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: