Groote Verspreken!- Groote Politik!

Leve Lüüd,

sachs hebbt jii dat in de Medien mitkreegen – de Trump vun Neddersassen, de op de Stohl vun de Ministerpräsident luert, hett verkünnt, dat he dorför instaaht, dat de Versorgen mit Ünnerricht  in de Schoolen över 100 Perzent kreegen deit! Jungedi, heff ik dacht, de mutt sik woll sülm nocheens in de School anmelln – Perzentreeken is ja för männigeen een Book mit söven Siegels! För em schients woll hett düt Book acht… Aver nülichst hett ja een anner vun de swatte Front al wettert, dat de Beropsschoolen een minn Quote hebbt. Dat de Bereeken för düsse Schoolen een beten anners löppt, hett he nich dortoseggt. Wat weglaaten is ja keen Lögen, meent se woll. Un dat de Tahlen siet dat Inföhren vun een anner Grundlaag siet 2011 an daalgaahn sünd, dat hebbt se ok weglaaten. Dor harrn wi een swatte Regeern! Politik is woll doch nich so een „ehrliche“ Saak. Un an End geiht jümmers blots dorüm, de Wäählers mit örntlich gülden Pulver de Blick to neveln, üm se to dat Krüüz an de „rejelle Steed“ to locken. Anner Busteed, glieke Vereen: Meent jii, dat dat Infööhrn vun Ümstandmood bi´t Militär wat beter maaken ward!? Flecktarn, de sik över een dicke Buuk spannen deit!? – Dormit bewiest se heel sicker, dat se nich de richtige Führersche för de Bundeswehr is. Sachs is at aver ok een Aflenken vun de heele Mess, de se in de verleden Weeken vun sik geven hett.Wenn se dat denn präsenteeren doot, ward dat sicker een groot Medienrummel:  Ik stell mi dat so vör – Se hebbt een düüre Kleedaschmaaker een Prototyp neihen laten – in Flecktarn. Un denn steiht de lütt Erdfru Uschi op de Büühn vör de Mikrofonwoold un höögt sik över dat wat glieks kümmt. Lang un breet verklaart se na Politikeroart, wo dull un tokumstwiesend dat doch is! Un dormit de Welt sik een Bild maaken kann, ward dat gliks vun een Modell mit een dicke Buuk vörstellt! De Vörhang geiht op – un as een Ballerina kümmt Altmeier (een echte Swangere hebbt se jüst nich praat hat) in Ümstandsmood op de Büühn sweewt: Flecktarn, Modell Elefant, een Bild för ewige Tieten! – Dor kann de Wählerschapp blots noch dat Krüüz bi düsse Partei maaken! Schiet blots, dat dat erst in teihn of mehr Joohrn sowiet is – de Erprobungssteeden bruukt ja jümmers so lang!

Niels

 

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.