För de Groote Politik: Een Breef an de Kanzlersche



WIN_20151023_135527 (2)Leeve Fru Merkel!

Ik mutt mol wat loswarrn! Dat drückt mi al een heele Tied un ik wüss bit nu nich recht as ik dat woll seggen sall. Doch ik kann nich anners. Se doot mi in de Kniep bringen, wieldat ik een anner politsche Sichtwies heff. Dor steiht een „C„ in Se Ehr Parteinoom, dat weer mi lang towedder. Denn ik funn  jümmers, dat de Lüüd, de dor achter stoht, de Politikers, allens anner as christli doon hebbt. Dat ward woll ok in Tokunft so ween, dat ik mien Krüüz nich bi jüm setten mag. Doch ik mutt togeeven, dat Se as Person mi jümmer beter falln doot – Se Ehr utgleeken Oart, wo Se dat groot Thema „Flüchtlinge„ anfaaten doot. Un ik will Se seggen, dat ik dat richti good finn, dat Se sik vun de annern, liekerwell of ut Düütschland, de EU of anner Länners, nich ünnerboddern laaten. Se seht, wat möglich is, wat wi alltohoop al schafft hebbt, wat Düütschland kann. Se stoohn achter de veelen Lüüd, de hölpen doot. Se mookt de Lüüd Moot und koomt de annern in de Mööt, de jümmers blots vun Ünnergang vun dat Avendland snacken doot. Dats richti un so möt Se wietermooken! Scheert Se sik nich üm de Lüüd, de blots Dummtüch snacken un Polemik künnt. Dat Patentrezept gifft woll nich, man blieven Se op düsse Padd!

Verleden Wuchenend bi de Hessenwahl hebbt de olen Parteien sik bannig verfeert – ik ok. Ik harr ninich dormit rekent, daat so minn Lüüd sik dat heele Programm vun de AFD ankeeken hebbt un ehr Krüüz bi de AFD mooken wöörn, Se woll!? – Doch se hebbt! Ik weet nich de „soziale„ Tosomsetten vun de Lüüd, de de wählt hebbt. Ik glööv meist, dat dor de gröttste Deel sachs ut de „eenfacher Schichten„ kamen doot. De schneen sik vör Bang de Ast af, op de se sitten doot… Dat künnt Se ok nich ännern – un wüllt sachs ok nich, is´t doch nich Se Ehr Klientel. Man wohrt Se sik!

Ik wünsch Se dat Glück, üm de tokamen Tied good tö överstahn. De Wahlen för de Lanntag, de nu kamen doot, ward dat politsche Düütschland woll wieter örntli schüddeln! Blivt Se oprecht!

Niels

 

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: