Een (Lese-)Reis to´n Kiel-Konol



Niels leest PlattLeeve Lüüd,

mien Reis to´n Kiel-Konol an 22.Janner weer een moije Sook. Ik heff nich notellt, avers dörtig Lüüd weern wohl dor. Dat Hus weer full und ik heff een Barg Tospruch kreegen, as ik de Lüüd denn no meist twee Stünnen een Atschüß mit op´n Wegg geven heff.

To´n Anfang heff ik wat över denn Nord-Ostsee-Konol (Kiel-Konol heet he international und op nedderdüütsch) vertellt, so een lütt Afreet vun de Historie. Denn wöörn Biller an de Wand smeeten, de mien Heimatdörp wiesten – de Fähr, de Kark, dat Denkmol vun de Slacht bi Sehstedt und anner Hüüsen, de vun mi mit Wöör und lütte Vertellens verkloort wöörn. Sü, und denn güng dat ok al los – een Belevnis no dat anner bröchten de Lüüd to´n lachen, smustern, nodenken und mitföhlen. Ik glööv, dat hett se bannig veel Spooß mookt. Und mi güng dat liek. Und dorför dank ik scheun.

To´n End heff ik denn spontan üm een Kollekt been för de Multiple Sklerose Hölp (DMSG), denn een vun mien ole Frünn, de in de een oder anner vun miene Vertellens dorbi weer, is swor an MS leeg woorn.

€ 83,50 sünd in denn Hoot, de rüm güng, wannert! Dat hett mi bannig höögt und ik dank all, de wat geeven hebbt, dorför vun Harten.

De plattsnackende Niels

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: