Dor deit sik wat



Leve Lüüd,

dor deit sik wat – dat passt jümmers, denn de Tied löppt ja nich enfach so dörch de Welt. Bi de verleden Gottsdeenst op Platt hett sik ok wedder wat daan. Över söventig Lüüd weern dorbi! Goode Wöör, goode Predigt un blangenbi en goode Snack – allens op Platt!

Un as „Multiplikator„ för dat Glasfasernet weer ik ok ünnerwegens, dor aver meisttieds op geelsch, use „niege Mudderspraak„. Dor hett man hier un dor en goode Snack hat, aver ok Lüüd drapen, de enfach blots stuur weern. Dat leegste Belevnis weer en unfründli Erdenminsch, de vun Respekt of Anstand woll minst en Lichtjohr weg weer (is kja nich enkelt in düsse Sellschapp). An de Döör blots nölig, hett düsse Minsch denn noch achteranschooten un de Insatz för de Tokumst op Dörp as „Drückeree„ nöömt. Jungedi, dor heff ik mi denn doch en beten argert. Aver blots en Momang. Nu geiht beter, denn he is ja ok noch an de Reeg mit Argern – un dat sachs lang Tied .

De letzt Veranstalten as Infobodd för de Lüüd, weer nich so dull besöcht, hett aver för de en of anner liekers noch wat bröcht. Weer wat nich klaar of weer en noch nich övertüügt, denn wöör dat in´t Gemeenhus vun Gerdau ut de Welt schafft un so keem denn doch en Bült an Andräg tohoop un maakten den Stapel, de de Börgermeister an de IT-Facklüüd geev, noch en lütt Finzel grötter. De Lünken vun Dack weern noch nich luut an Piepen, man en Suseln weer al to lustern, dat de 60-Perzent-Stuker woll schafft is! De offiziellen Tallen vun de tokümstige Bedriever vun dat Net warrn dat denn de Daag woll to en Leed maken. So is denn keen Druck  för de, de sik insett hebbt, mehr dor un de Lüüd, de dat noch nich schafft hebbt, sik dat dörchtoreken un en kloke Entscheed to dreepen, de hebbt noch en Week – An 31.03.2018 is dat Fest denn vörbi un de en of anner ward sik sachs argern, wenn an sien Hus vörbi buut ward. Nich hüüt, nich morn, man wenn dat Net steiht un in Bedreev is. Dor ward wi aver nix vun to lustern kriegen, denn se wüllt sik sicker nich nackig maken un dat togeven…

So, nun lett jüm nich argern,

ik  bün fidel un höög mi op en waarm Vörjahrstied un weet, dat dat Argern över dat kröpelige Internet nu bald en End hett!

Moi, is´t nich!?

Niels

 

 

 

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: