De Linke is nich demokratisch!? /Vun de groote Politik 10/14 -2

Leeve Lüüd,

uns Präsident Gauck hett mol wedder een loslooten – he hett sien Meinung to de anstohende Wahl vun den ersten „linken“ Ministerpräsidenten afgeeven. Döff he jo ok. He akzeptiert dat demokratische Prozedere und hett jo nur sien Föhlen as betroffener (Ex-)DDR-Börger utdrückt. Man is dat een viertel Johrhunnert no denn düütschen Tosomenschluß nich an de Tied, dat wi dat as normol annehmt!? Ik meen, dat de Linken nu in de Demokratie ankoomen sünd!? Sicker, dor is veel Unrecht passeert in de DDR, avers sünd de Westdütschen denn so veel beeter!? Wenn he  25 Johrn trüchgeiht, will ik mol noch een poor Johr dortopacken und kiek mol in de Anfangstied vun de BRD – und ok de DDR – överall Nazis!!! Noch wiet in de hütige Tied sünd prominente hochrangige Politikers överweegend in de CDU und in de Justiz antodreepen ween:  Konrad Adenauer, F-J. Strauß, Kiesinger, Filbinger, ja sogar een vun de Oltpräsidenten -Karl Carstens-und veele annere hebbt een bruune Geschicht. De hebbt  eere Dokumente scheuner mookt und bruune Placken rutradiert. Weern de all Demokraten!?

Dr. Konrad Adenauer weer de Meinung, dat de Nazis de beeteren Düütschen und de wohrhaftigen Patrioten sünd, anders as de Düütschen, de im Wedderstand weeren oder in de Nazitied emigriert sünd. Kannst allens nolesen.To´n Bispill op: http://www.gelsenzentrum.de/deutsche_nazi_karrieren.htm.

Avers he und de annern Bruunjacken in Smoking sünd  wählt woorn – dat Volk hett de Stimm afgeeven und so hebbt düsse Lüüd veele Johrn veel anstellen und klüngeln kunnt – as legitimiert und op denn Böön vun unsen „Rechtsstaat“…

Wat mookt uns „Demokratie“ ut? -Luut WIKIPEDIA: freie Wahlen, das Mehrheitsprinzip, die Akzeptanz einer politischen Opposition, Verfassungsmäßigkeit, Schutz der Grundrechte, Schutz der Bürgerrechte, und Achtung der Menschenrechte. Da die Herrschaft durch die Allgemeinheit ausgeübt wird, ist eine Form der Meinungsfreiheit zur politischen Willensbildung unerlässlich.-  So is dat!  De Akzeptanz vun de politische Opposition! Und de Linken sünd in friee Wohlen to eere Stimmen koomen und se sünd Deel vun uns Gesellschaft. Op dat de Lüüd passt oder nich. Se künnt jo alltohop to Wahl gohn und eere Gesinnung mit dat för se richtige Krüüz no vörn bringen. Steiht doch jedeen frie!

Wat de Wählten denn dorut mooken, dat steiht jo op een annern Blatt – dat hett man oftens nix oder nich veel mit Demokratie und Rechtsstaat to kriegen. Dor regeern denn wohl doch eenmol mehr de Penunzen. Ik segg nur „Opsichtsrat“ und „Politiker“ – dat schlüüt sik eentlich ut, is in unse Demokratie man Gang und Gebe…

To´n Schluss noch een – heff ik in Net funnen – dor biet sik denn de Katt in´n Steert. Herr Goebbels sall 1931 all seggt hebben: „Der Idee der NSDAP entsprechend sind wir deutsche Linke… Nichts ist uns verhasster als der rechtsstehende nationale Besitzbürgerblock.“ Also sünd de Rechten eentlich de Linken? De hüütigen Konservativen (CDU) sünd vun een Nazi mitgründ woorn. De wüllt avers dorvun nix höörn. Und de Linken sünd gefährlich und noch nich op denn Böön vun de „Rechtsstaatlichkeit“ ankoomen? Seggt se. Avers eentlich sünd se doch ganz dicht biinanner, oder!?  – Ik mag dat „nationale Besitzbörgertum“ ok nich. Ik hör jo nich dorto. Bün ik nu Nazi? Oder een Linken? Oder ist egol,wat een wählen deiht, is eentlich all liek?

Dor kann een schier rammdösig bi warrn, avers, Lüüd, ik will doch wedder to Wohl gohn. Is man noch een beeten hin…, avers wi döffen dat! Noch.

 

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.