De Gerdauer Poppenkist mookt de Vörhang wedder op



PlattsnackerABLeeve Lüüd,

jii hebbt dor liekers vun höört – een Johr is üm und de Gerdauer Politspitz is afbroken – is dat nich een beten wunnerlich? Dat is noch nich een und een halv Johr trüch, dor heff ik de Geschicht al bi de Fööt hat…

„…Dor weer doch ok noch wat mit de Schultheiß … In een lüttet Dörp sall dat in de nächsten Maanden wat nieget geben. De ole will sien Sessel rümen und dor sall een niege her – man de Kronprinz sall dat nu wohl nich mehr warrn – tominst no buten för dat blöde Volk sall dat so utsehen. Denn ik mag nich glöven, dat he sik eenfach so  düssen Posten entgahn loten will. Se wüllt wohl een Marionett insetten, de noch, wat de Politik angeiht, een witte West hett (oder noch keeneen vun de Placken schnackt hett?!-tweetet oder- se (de Marionett) hett eentlich gorkeen Plaan vun dat, wat se dor mooken doot) und denn ward ut de tweete Börgermeister-Reeg stüert…„

heff ik in Maimaand  2014 schreeven…(Har ik recht orer haWokeen is de Popp!?r ik recht!?). Nu meent se, dat dat Volk, dat blöde, al vergeten hett, wat de tweete Kerl an de Sprütt so vertappt hett? Wüllt jii würkli und ut vull Övertüügen een Schultheiß hebben, de tegen sien eegen Gemeen klagen deit!? Ok wenn dat sien  Recht as Börger is, dat deit swor rüüken und so een Vertreter vun dat Volk kann ninich de richti Waahl ween.  Ik hoff, dat de swatten Ratslüüd nuch Anstand und Rückgrat hebbt, dat se em nich eenstimmig (ut de swatte Reeg) wählen doot. Blots – woneem mag ik dat jümmers noch nich glöven!? Dat vun de root – grööne Afdeeln keeneen Stimm för düssen Kandidaten kümmt, dat sett ik mol vörut. Allens anner wöör mi nich minn spaansch vörkoom!  Op de anner Siet – keen sall dat Amt hebben!? Is dor een Fruu /Mann, de ut denn Krink vun de Ratslüüd kann und ok mag!? De de künnt, hebbt al veel ümto to doon und keen Tied för so een „Blangenbi- Fulltied-Job„ orer se wüllt dat nich orer se hebbt nich dat Öller. Und denn givt noch de, de dormit keeneen wat Goodet doon wöörn – sik sülm insloten. Also blivt blots de een, de sülmverleevt över allens stoht, de mennig Postens besetten deit und  blangenbi noch Buer is? Wo sall dat gaahn!? Ik seh swatt, leeve Lüüd. Dor hölpt blots een Niewaahl! Und denn weg mit dat Sammelsuus! …- Drööm´ künnt so schöön ween. Wat blivt!? Viellicht de gülden Harvstdaag geneten und sik al op de düster Tied instellen!?         „Bums, is düster!„ hett mien Mudder jümmers seggt. Of nu so wiet is!?

Düster süüht dat ok in de Opfanglaagers ut. Ok bi uns sünd de Toflucht söökenden Minschen ut Syrien und annerswo een Thema. Noch nich so dull as in anner Rebeeten, man dat kümmt neger bi. In de Kriesstadt hebbt se al twee Turnhallen sparrt, in Seborg givt woll ok nich so veel Wohnruum, as se sik erhoffen deen. Ofschoonst dor nuch is. Also in de heele Samtgemeen, meen ik nu. Dorvun bün ik övertüücht und dat is jo ok to seen. Bruukst blots dörch de Dörpen foohrn, wenn´t al düster is – een Barg „Leerstand„ orer Hüüsen, de groot nuch för een, twee (…) Familien sünd und dor is denn blots een Minsch alleenig bin, de dor för sik hin kröppt. Dat kümmt de Dag, dor mütt se ok in de Verwalten inseehn, dat dat Lüüd geven deit, de hölpen wüllt und nich dorop ut sünd, sik dat Hus to „sanieren„, as een dat dörch de Bloom seggt woorn is. Kümmt Tied, kümmt Wohnruum. Glöövst nich!?

 

So, nun lett jüm nich argern -

Niels

 

 

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: