De brune pål

Leve lüüd,

op myn weg to wark voor ik meyst elke dag dörch Groten Süss. Und in dat dörp is my wat opfullen. Dor steyt eyn latüchtenpål, de is grys vun clöör her, so as de andern in de stråt oak. Doch düsse pål het eyn sünnerlich skimmer. Und wat dat dormit op sik het, dat wil ik ju nu eyns verklåren.

Dat is al beten her, dor weer ik in tyden vun wålkamp mit plakaten ünnerwegens. Düsse plakaten hebbt wy an eyn bült latüchten bammelt. So oak in Groten Süss. De gryse pål, de ik meen, de har oak eyn vun de gröönen plakaten avkreagen – vöär de bün ik duntomålen ünnerwegens west. Doch dat het keen twee dag duert, doar leeg de pap in skyt ünner de latüchtenpål… Ik bün ranfoort und hef dat wedder opbammelt. As ji sük denken künnt, weer dat ny vun duer…weer bald wedder afreeten. Nu aver so, dat niks mer to måken weer. Ik hef den niks nyget mer ophungen. Hev düsse geskicht den oak meyst vergeten hat.

Doch nu is my dat wedder in de sin kåmen. Den dor hebbt dütmål ander lüüd er vlag hochtrokken – de vun de roten sokken avdeel und de vründen vun de brunen in´t blage chemisette. Und wat sal ik jüm seggen? – Het ny lang duert, den leeg oak düsse pap ünnen! – Nej, ny tohoop… dat blage hangt doar jümmers noch. My dünkt, dat de pål doar ünner eyn heel besündere pleeg steyt… Myn vöärslag – glyks ümclören – den mut de sülmnöömte blokkwart dor ny as eyn luks luern, ümdat he de „undütsken“ plakaten vorts avryten kan. Is de pål bruun vun clöör, den is dat eyn teken vöär de andern parteyen, dat de hupen vöär se doar an dampen is.

Stillstån – ümdreyn – wegpedden

Let jüm ny argern!

Niels

i

Print Friendly, PDF & Email

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.