Anarchie in de Groote Politik



Leve Lüüd,

nu is se also ok in de Groote Politik ankamen – de Anarchie hett Intuch hooln in us (kommissarisch) Parlament. Ik heff de Swattsuern vun de „christlich-sozialen„ ut dat düütsche Anhängsel, dat sik Bayern nöömt, noch ninich truut. Nu is dat de Bewies un ok de letzte Slapmütz mutt doch nu klaarkriegen, dat dor wat nich stimmen deit. Dor is nich wat fuul im Staate Dänemark, nee, dat deit mächtig stinken in dat düütsche Parlament. Dat is meist as en Verrat. Elkeen maakt, wat he will, oder wat!?  Dor geiht so en inbillten Fatzke hin un smitt de Regels un Afmaaken ut de Koalitschoosverdrag över Bord un stimmt för de Verlängern vun dat Ackergift Glyphosat. Nich, dat erst paar Weeken vördem en weetenschapplich ünnermuerte Bericht över de groote Insektendoot rutkamen is, de dat Opschrien vun de Bangmakers ut dat Volk ünnerstrieken deit. Is egal. Hauptsaak is , dat de Industrie tofreen is. Se regt sik op över korrupte Staaten överall in de Welt, doch Düütschland is nich en Nanometer beter as düsse Smeerlappens. De blanke Hohn dorto is denn ok noch , dat de InterimsLM sik vör de Presse stellen deit un in´t Mikro süüselt, dat he dat FÖR en beter Ümwelt maakt hett. Jungedi, mi blivt de Luft weg, kann en vun de Wählers beopdragte Minsch so driest ween? – He kann, dat hebbt wi nu belevt. Wat heet dat denn för de niege Regeern, de wi ja irgendwann doch kreegen ward?!? – De SPD sall sik dat goot överleggen, wat se mit so en „Partner„ wat maken will, de Swatten süllt sik endli vun dat Geschwür ut Bayern frie maken, ok wenn se denn alleen nich mehr wiet vun de twintig Perzent weg sünd. Bi en Minnerheitsregeern wöör so en Verrat nich eenfach möglich ween. Sachs hett de Schmidt dat ahnt un dat op düsse Oart noch gau dörchdrückt!? Mi ward nich beter tomoot, wenn ik över düsse Lüüd nadenken do… Mi swillt de Kamm un ik schriev mi in Raag, dorum höör ik nu op…

Mann in de Tünn, so een Mess aver ok…

Niels

Print Friendly, PDF & Email

Hinterlasse einen Kommentar zum Beitrag

Niels Tümmler (NT)

Leeve Lüüd,

ik bün jo ok ünnerwegens, üm de Lüüd mit miene Lesens to ünnerhooln. Hebbt jii Spoß doran und wüllt mi mol "live" bi juu hebben!?

Denn schrivvt mi man an. Een Dag, wo dat passen deit, ward sik finnen.
Stüer een Breef mit juune Anfroog an niels.tuemmler@t-online.de.

Ik mell mi denn Trüch. Kann af und an mol´n beeten duern, avers ik versöök dat jümmer fix to antern! Niels

Tuemmlers Beiträge: